ಮೊಬೈಲ್ಗಳಿಗೆ ಎನ್ಡಿಎಮ್ಎ ಅಲರ್ಟ್ – ಜನರು ಆತಂಕಪಡಬೇಡಿ
ಕಂಪ್ಲಿ/ಬಳ್ಳಾರಿ: ದೇಶದಾದ್ಯಂತ ಮೊಬೈಲ್ ಬಳಕೆದಾರರಿಗೆ ಇಂದು National Disaster Management Authority (ಎನ್ಡಿಎಮ್ಎ) ವತಿಯಿಂದ ತುರ್ತು ಎಚ್ಚರಿಕೆ ವ್ಯವಸ್ಥೆಯ ಪರೀಕ್ಷೆ ನಡೆಯುತ್ತಿದೆ.
“ಸೆಲ್ ಬ್ರಾಡ್ಕಾಸ್ಟ್ ಅಲರ್ಟ್” ಎಂಬ ಹೆಸರಿನ ಈ ಪರೀಕ್ಷೆಯ ಭಾಗವಾಗಿ, ಹಲವಾರು ಜನರ ಮೊಬೈಲ್ಗಳಿಗೆ ಜೋರಾಗಿ ಸೌಂಡ್ ಹಾಗೂ ಫ್ಲ್ಯಾಶ್ ಸಂದೇಶಗಳೊಂದಿಗೆ ಅಲರ್ಟ್ ಸಂದೇಶಗಳು ಬರುತ್ತಿವೆ.
ಈ ಕುರಿತು ಅಧಿಕಾರಿಗಳು ಸ್ಪಷ್ಟಪಡಿಸಿರುವಂತೆ, ಇದು ನಿಜವಾದ ಅಪಾಯವಲ್ಲ — ಕೇವಲ ಪರೀಕ್ಷಾ ಸಂದೇಶವಾಗಿದ್ದು, ಸಾರ್ವಜನಿಕರು ಯಾವುದೇ ರೀತಿಯ ಆತಂಕಕ್ಕೆ ಒಳಗಾಗಬಾರದು.
ಈ ಅಲರ್ಟ್ ವ್ಯವಸ್ಥೆ SACHET (Integrated Alert System) ಎಂಬ ದೇಶೀಯ ತಂತ್ರಜ್ಞಾನ ಆಧಾರಿತವಾಗಿದ್ದು, ಪ್ರಕೃತಿ ವಿಕೋಪಗಳು ಹಾಗೂ ತುರ್ತು ಪರಿಸ್ಥಿತಿಗಳ ಸಂದರ್ಭದಲ್ಲಿ ಜನರಿಗೆ ತಕ್ಷಣ ಮಾಹಿತಿ ನೀಡಲು ಅಭಿವೃದ್ಧಿಪಡಿಸಲಾಗಿದೆ.ಅಲರ್ಟ್ ಬಂದಾಗ ಮೊಬೈಲ್ನಲ್ಲಿ ಜೋರಾಗಿ ಶಬ್ದ ಕೇಳಿಸಿಕೊಳ್ಳುವುದು ಹಾಗೂ ತುರ್ತು ಸಂದೇಶ ಪ್ರದರ್ಶನವಾಗುವುದು ಸಾಮಾನ್ಯವಾಗಿದ್ದು, ಯಾವುದೇ ಕ್ರಮ ಕೈಗೊಳ್ಳುವ ಅಗತ್ಯವಿಲ್ಲ ಎಂದು ತಿಳಿಸಲಾಗಿದೆ.
ಭವಿಷ್ಯದಲ್ಲಿ ಈ ವ್ಯವಸ್ಥೆ ಸುನಾಮಿ, ಭೂಕಂಪ, ಮಿಂಚು ದಾಳಿ, ಅನಿಲ ಸೋರಿಕೆ ಸೇರಿದಂತೆ ವಿವಿಧ ತುರ್ತು ಪರಿಸ್ಥಿತಿಗಳಲ್ಲಿ ಜನರಿಗೆ ಮುನ್ನೆಚ್ಚರಿಕೆ ನೀಡಲು ಬಳಸಲಾಗುತ್ತದೆ.
