ಇಂಫೋಸಿಸ್‌ನಿಂದ ಕಂಪ್ಲಿ ಸರ್ಕಾರಿ ಶಾಲೆಗೆ 10 ಕಂಪ್ಯೂಟರ್ ದಾನ
ಕಂಪ್ಲಿ, ಜೂನ್ 29 :
ಕಂಪ್ಲಿಯ ಸಕ್ಕರೆ ಕಾರ್ಖಾನೆಯ ಬಳಿ ಇರುವ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಗೆ ಹಳೆಯ ವಿದ್ಯಾರ್ಥಿಗಳ ಮುಂದಾಳತ್ವದಲ್ಲಿ ಇಂಫೋಸಿಸ್ ಕಂಪನಿಯಿಂದ 10 ಕಂಪ್ಯೂಟರ್‌ಗಳನ್ನು ದಾನವಾಗಿ ನೀಡಲಾಗಿದೆ.
ಜೂನ್ 28, ಶನಿವಾರ ಮಧ್ಯಾಹ್ನ 1:30 ಕ್ಕೆ, ಹಳೆಯ ವಿದ್ಯಾರ್ಥಿಗಳು ಶಾಲೆಗೆ ಭೇಟಿ ನೀಡಿ, ಶಾಲಾ ಮುಖ್ಯಗುರು ಡಿ. ಪ್ರಭಾಕರ್ ಹಾಗೂ ಶಿಕ್ಷಕರಿಗೆ ಈ ಕಂಪ್ಯೂಟರ್‌ಗಳನ್ನು ಹಸ್ತಾಂತರಿಸಿದರು.
ಈ ಯೋಜನೆಯ ಹಿಂದಿರುವ ಪ್ರಮುಖ ಹಳೆಯ ವಿದ್ಯಾರ್ಥಿಗಳಲ್ಲಿ ಜಯತೀರ್ಥ, ವೆಂಕಟೇಶ್, ರಂಗಸ್ವಾಮಿ, ಸತೀಶ್, ಕಿನ್ನಾರೇಶ್ವರ ಎಂಬವರು ವಿಶೇಷವಾಗಿ ಪಾಲ್ಗೊಂಡಿದ್ದರು.
ಎಸ್.ಡಿಎಂಸಿ ಅಧ್ಯಕ್ಷ ರಾಮಲಿಂಗ ಅವರು ಈ ಕಾರ್ಯಕ್ರಮದಲ್ಲಿ ಸಹಭಾಗಿಯಾಗಿದ್ದರು.
ಈ ಹೊಸ ಕಂಪ್ಯೂಟರ್‌ಗಳಿಂದ ವಿದ್ಯಾರ್ಥಿಗಳಿಗೆ ಡಿಜಿಟಲ್ ಶಿಕ್ಷಣದ ಅವಕಾಶ ದೊರಕಲಿದೆ. ಗ್ರಾಮೀಣ ಪ್ರದೇಶದ ಮಕ್ಕಳಿಗೆ ತಾಂತ್ರಿಕ ಶಿಕ್ಷಣ ನೀಡಲು ಇದು ದಾರಿ ತೆರೆದಿದೆ ಎಂದು ಶಾಲಾ ಸಿಬ್ಬಂದಿಗಳು ಹಾಗೂ ಹಳೆ ವಿದ್ಯಾರ್ಥಿಗಳು ಸಂತೋಷ ವ್ಯಕ್ತಪಡಿಸಿದರು.
